Mooni ja Maru joosi kõgõ inne uma vahtsõ maakodo muro pääle. Esä ja imä asti latsi perän. Vanõmba jalodi aiglasõlt, kai muro pääl ümbre ja arotõlli, määntside töiega tulõs siin pääle naada. A Mooni ja Maru joosi ümbre tarõ ni tei kõgõ vahtsõ ja huvitavaga tutvust.
„Ummõtõgi olõmi maal ja ei määnestki liina inämb niipia!“ ütel sis esä ja tõmmas samal aol suurõ sõõmu värskit maaluhti uma liinainemise tävvü (kopsu) sisse.
Imä õnnõ ohas ja oll väega rahulõ, selle et timägi oll taad ja kavva uutnu – ei määnestki massinidõ jõrra ega köhätämä ajavit tossupilvi, ei määntsiidki suurõpoodi ubinit ega väsütävit järjekõrdo.
Võro kiilde panni Mariko Faster, Kaile Kabun, Triin Rõõmusoks, Egle Vodi, Kaili Vodi, Kalmer Vodi.