Ma olõ Võromaalõ tagasitulnu võrokõnõ, peri Haanimaalt. Pikkä aigu elli Talnan, kon opsõ rõivaumblõja ammõdi selges ja katspuul aastakka opasi ammõdikoolin rätseppi vällä. Tüükotusõ omma mul olnu küll päämiselt rahaga kamandavaten asotuisin, a käsitüü ja umblõmine om aoviidüsses mul kõgõ olnu.
2014. aastagal nakkas heng iks väegä joba kodo tagasi kiskma, nii ma ostigi hindäle Rõugõhe majakõsõ, kohes tulõ mu väiku meistrekammõr. Ettevõttõl om jonimigi olõman: Sirja Disain OÜ.
Hää meelege tii ma säänest ummõlustüüd, millege vannust asjust vai rõivist saava vahtsõ asja.
Ma tii patju, miä avitasõ inemise meelde raho tuvva ja tuud hoita. Mõttõ andsõ mullõ vellenaanõ Hallimäe Tiina, kiä om opnu käsitüü tegemist Räpinä Aianduskoolin. Timä mõttõ pääle ja lahkõ luaga ma sõs tiigi inemiisile kontimüüdä patju, miä istmise vai külütämise man iho tugõva ja laskva pääasjaligult ummi ilosit mõttit mõtõlda vai ilmaelo üle märgota.
