OÜ Mäe-Rõuge tegemise umma nigu UMA POODI kaupuvalik – kirriv ja mitmasugumanõ. Mi tsillokõnõ ettevõtõ häitses Võromaal Rõugõn. Päämiselt pakumi inemiisile sõidutust, a tegelemi ka luuva tüüga – näütes annami vällä raamatit, kujondami T-hammid, käümi tiijuhis, teemi videofilme ja muido kuuntüüd meediavälläandidega.
Ettevõtte iistvõtjas om Margi Jaanus, kiä mõist käen hoita nii pleiatsit, puutrit, tsäpesilmä ku lapjuvart. Elopõlinõ rõugõlanõ ja võro keele austaja nigu tä om, põlõ-ei tä är näütemängen mängmist ja täl om ka tutva jõuluvana, kedä saa firma kaudu vällä telli.
Väikutviisi tegejä ettevõtõ taht iks kõgõ muudku pruumi vahtsit asju tetä ja egätsugu mõttile väke anda. Tõnõkõrd tulõva peris ilmvõimalda idee, õkva ullusõ, miä saistusõ tsipakõnõ ja sõs saa mõnõst iks asi kah. Näütes hää tujo meelüside tegemine. Seost ettevõtmisest kasvi vällä kaubamärk – JanMark SUVENIIR (MargiJan MEELÜS). Peris põnnõv om päähä tulnu mõttõst asi valmis nokitsõda ja ku saa sinnä sisse vai manu viil naarupurtsahusõ sokuta, om nii hindäl ku tõisil lusti pallo. No ja kinkalõ miildünü meelüs, miä aja hirmu pääle vai jõuluvana, kiä tii-ei sukugi nalla?
Jaanus om välläopnu puutüümiis, kiä ei jää hättä ütegi täpsät kätt nõudva tüügä ja kasus tulõ seo mõistmine ka meelüsside tegemise man. Mõttil lask lajalt ja suurõlt linnada tarkus, midä om korjadu varramba tüü tegemise käigin – valla arõndamistüüd vidäden, vällämaalaisiga läbi kävven, turismiasju ajaden, suuri projekte uhjaten ja üleskitmise tüüd teten.
Ku pelgä-i hinnäst proomilõ panda, omgi elo kirriv ja põnnõv. Ku tiit tuud, miä miildüs, tulõ tuu ka häste välla. Ja häste vällätulnu asi and rõõmu nii hindäle ku tõisilõ.
Naarami no egä päivi!
