Hoburaudsõlg

Säänest sorti sõlg oll Võromaal kõge inämb tarvitusel 13.-17. aastagasaal. Sõlõga om pantu kinni rõivahõlmu aol, ku nöpse vai lukkõ olõ-es viil vällä märgitu. Hammõ jaos om vajja tsillembat sõlgõ, särgi vai mõne muu paksõmba rõiva jaos piäsi suurõmb sõlg olõma. Sõlg om pääle kinnituse ka iloasi olnu – tuuperäst om näid ka esimuudu ilostet ja kirjat.
Hobõsõravva kujoga sõlõl saat nõkla liiguta müüdä sõlõkaari. Rõivahõlmu kinnipanõkis säe nõglaots kaariotsõ vaihele, sõs päses nõgõl üles-alla liikuma ja timäga saa rõivast läbi tsusada. Ku rõivas om nõgla pääle korjatu, säe nõglaots sõle kaari pääle nii, et sõlgõ käänaten jääse kaariotsa ülespoolõ.